ERP واحد لأكتر من نشاط، ١٦ موديول، شغّال في شركات في مصر
سيستم واحد على قد نشاطك،وقبل المشكلة بخطوة
محل كمبيوتر أو موبايل، هايبر ماركت، شركة جملة وتوزيع، مطعم، أو مراكز صيانة وخدمة ما بعد البيع: تختار نشاطك، والسيستم ييجي بقائمته وشاشته الرئيسية وأوامره. والمخازن والمشتريات والحسابات والموظفين معاه على نفس القاعدة، والإدارة شايفة الكل بالأرقام الحقيقية.
كل فئة قائمة أسعار بشرائح كمية. الكاشير يختار الفئة، والعميل اللي متسجّل له فئة بياخد سعرها من غير ما حد يفتكر، والسعر بيمشي مع الكمية اللي في الإيصال.
للخصم حد، واللي فوقه بموافقة المشرف.
قاعدة اختيارية تمنع البيع تحت التكلفة أو تطلب موافقة.
كارت الصنف فيه سعر كل فئة وهامشه قدامك.
كارت الصنفمثال
الصنفراوتر واي فاي AC1200
القسم · مكان الرفشبكات · A-12
التكلفة بالعملة$24.00 × 49.20
الرصيدالمحل 14 · المخزن 60
سعر كل فئة وهامشه
1,420قطاعي · 20٪
1,325نص جملة · 12٪
1,265جملة · 7٪
الدولار اتحرك؟ راجع قبل وبعد، وطبّق
لكل صنف تكلفته بالعملة. السيستم يضربها في سعر الصرف وهامش كل فئة ويقرّب الناتج لفوق، ويوريك السعر القديم جنب الجديد قبل ما تطبّق.
تنبيه على الرئيسية لما سعر الصرف يتحرك من آخر تسعير.
لو محلك بيصلّح أجهزةإيصال استلام للجهاز، ولينك للعميل يوافق منه على عرض السعر ويتابع جهازه، وإشعارات واتساب.
الموديولات
ERP كامل، من أول طلب الشراء لحد التقرير الشهري
١٦ موديول على قاعدة بيانات واحدة، من نقطة البيع والمخازن وخدمة ما بعد البيع لحد الحسابات والرواتب. نشاطك بيحدد اللي يتفتح قدامك، فشغّل اللي شركتك محتاجاه النهاردة، وافتح الباقي وقت ما تحتاجه من غير ما تغيّر سيستم.
خدمة ما بعد البيع
AS
بلاغات بالسيريال وملف كامل لكل جهاز وتاريخ أعطاله
كوتة مواعيد بتتحسب من عدد الفنيين، فمفيش حجز فوق الطاقة
مراكز خدمة معتمدة بكشف حساب وتقييم شهري
الضمان وتفعيله بـ QR، وعقود صيانة وضمان ممتد
مكتبة الفني: دروس وفيديو وأكواد الأعطال
بلاغ #20431غسالة فوق أوتوماتيك · SN 7G42K1180
فاضل ٢:١٤ س على المهلة
اتسجل
اتحدد ميعاد
الفني في الطريق
اتقفل بكود العميل
الفني: أحمد · مدينة نصرقطع غيار: طلمبة صرف · محجوزة
تتبّع الفنيين والزيارات
FT
خريطة مباشرة للفنيين وهم شغّالين
كل زيارة متسجلة بالمكان والوقت
تقرير يومي لكل فني ومسار اليوم
مخالفات التأخير والزيارة من بعيد
إدارة علاقات العملاء
CRM
فرص بيع بمراحلها وقيمتها
زيارات وأنشطة المندوبين
تارجت لكل مندوب ومتابعته
شرايح عملاء وحملات واتساب
المبيعات والتجار
SD
عروض أسعار، وقوائم أسعار بشرائح كمية، وحد ائتمان
موزعين وتجار وبوابة خاصة بيهم
فاتورة إلكترونية ومرتجعات
شحنات ورحلات توصيل
نقطة البيع
POS
ورديات كاشير بتسليم وتسلّم، برصيد افتتاحي وتقفيل
بحث بالباركود والكود والاسم، ودفع متقسّم
قطاعي ونص جملة وجملة، وخصم بحد وموافقة
إيصال إلكتروني للمستهلك، ومرتجعات من نفس الشاشة
للمحل والهايبر، ولبيع قطع الغيار من الفروع
المشتريات والموردين
MM
طلبات شراء بموافقات ومستويات صرف
طلب عروض أسعار ومقارنة بين الموردين
مطابقة ثلاثية: أمر الشراء والاستلام والفاتورة
ملفات استيراد: الشحن والجمارك والتخليص على تكلفة الصنف، وفروق العملة
تقييم الموردين وبوابة ليهم
المخازن وقطع الغيار
WM
مواقع رفوف وباركود وتواريخ صلاحية
وحدتين للصنف بمعامل تحويل، وسيريال وتشغيلات
حد إعادة طلب، وجرد بجلسات بالباركود، وحجز القطعة للبلاغ
توقع احتياج قطع الغيار من حركة البلاغات
تحويلات بين المخازن والفروع
التخطيط
PP
خطة إنتاج رئيسية MPS وجدولة
قوائم مواد BOM وأوامر تعديل عليها
احتياج الخامات من الخطة
طاقة مراكز العمل
التصنيع
MFG
أوامر تشغيل على مراحل
نصف مصنّع وهالك
تشغيل لدى الغير
صيانة الماكينات
الجودة
QM
فحص الوارد قبل ما يدخل المخزن
حالات جودة وإجراءات تصحيحية ومتابعة نتيجتها
العطل المتكرر بيرجع للمصنع والمورد
تكلفة الجودة وربحية المنتج بعد الضمان
المنتجات والترقيم
MD
سجل الموديلات والأصناف SKU
كارت صنف بالماركة والصورة وأكتر من باركود وسعر كل فئة
السيريالات من المصنع لحد العميل
ألبوم قطع الغيار بالرسم المفكك لكل موديل
حقول إضافية تضيفها الشركة بنفسها
الخزينة
TR
خزائن وحافظة شيكات
عهد وسلف بأقساط
طلبات صرف بموافقات
توقع النقدية ١٣ أسبوع
الحسابات
FI
قيود وكشوف حسابات ومراكز تكلفة
بنوك وأصول ثابتة
ضريبة قيمة مضافة وفاتورة إلكترونية
موازنة مقابل الفعلي
شؤون الموظفين
HR
ملفات الموظفين والأقسام والمسميات
حضور وانصراف وإجازات
شهادات الفنيين ومهاراتهم
الرواتب والمستحقات
PY
مرتبات وبدلات وخصومات
تأمينات اجتماعية وضريبة كسب عمل
سلف بأقساط من المرتب
التوظيف وتقييم الأداء
TM
وظايف ومتقدمين ومقابلات
تقييم أداء دوري
خطط تطوير الموظفين
ومعاهم في كل موديوللوحة الإدارة والتقارير، وصلاحية كل تقرير لصاحبهصندوقي: كل الموافقات في مكان واحدصلاحيات لكل موظف، وسجل لكل تعديلبوابات للتجار والموردين والعملاءأبلكيشن للفني والمندوب
كله متوصّلمصنع أو محل أو مركز صيانة: الحركة بتمشي في الشركة كلها، والقيد بيتعمل لوحده
1شراء أو استيراد
2استلام وفحص
3مخزن ورفوف
4تصنيع أو تسعير
5كاشير أو فاتورة
6مرتجع أو ضمان وصيانة
7قيود وتقارير
المنصة
شركتك على لينك باسمها
كل شركة على SABK ليها لينك باسمها، وقاعدة بياناتها وملفاتها لوحدها. والسيستم نفسه كود واحد، فالتحديث بيوصل لكل الشركات.
لينك باسم الشركة:اسم-شركتك.sabk.online، تدخل منه انت وموظفينك.
قاعدة بيانات وملفات لوحدها: بيانات كل شركة ومرفقاتها في مكانها هي.
على قد شركتك: موديولات الشركة وعدد مستخدميها ومدة اشتراكها بتتحدد لكل شركة.
كود واحد للكل: أي تحديث في السيستم بيوصل لكل الشركات.
متظبّط على نشاطك: القائمة والشاشة الرئيسية والأوامر السريعة حسب النشاط اللي اخترته.
your-company.sabk.onlineمثال
النشاطمحل كمبيوتر وموبايل
قاعدة البيانات والملفاتخاصة بالشركة
الموديولاتنقطة البيع · المخازن · الحسابات
المستخدمين والاشتراكحسب الشركة
كود واحد · التحديث بيوصل للكل
لو شغلك صيانة وخدمة ما بعد البيع
أعمق نشاط في السيستم، لأنه اتبنى من قلب الشغل
ده النشاط اللي SABK بدأ منه، وهو واحد من الأنشطة مش السيستم كله. فيه كل اللي محتاجه قسم الخدمة من أول مكالمة العميل لحد ما المصنع يعرف سبب العطل.
تتبع الفنيينخريطة مباشرة للفنيين، زيارات متسجلة بالـ GPS، وتقرير يومي لكل فني.
كوتة المواعيدكل ميعاد خانة ليها سعة بتتحسب من الفنيين المتاحين، فمفيش وعد للعميل إلا وهو قابل للتنفيذ.
العميل يسجل بلاغهصفحة للعميل يسجل منها بلاغه بنفسه، وصفحة يتابع منها بلاغه وصل فين.
مساعد ذكيبيرد على العملاء من معلومات الشركة، وأي إجراء حساس بيستنى موافقة موظف.
تفعيل الضمان بـ QRالعميل يمسح الكود اللي على الجهاز ويفعّل ضمانه.
إقفال بكود العميلالبلاغ مايتقفلش غير بكود بيوصل للعميل.
ضغط الشغل الجايالبلاغات المتوقعة الأسابيع الجاية لكل محافظة وقسم بموسم السنة اللي فاتت، وكام فني ناقص كل مركز.
اجتماع العمليات الأسبوعيأرقام الأسبوع قصاد اللي فات، والقرارات بصاحبها وميعادها، وبتفكّره لحد ما يقفلها.
القرار اللي اتاخد في الاجتماع مابيتنسيش
كل أسبوع صفحة واحدة بتتعمل لوحدها: الداخل واللي اتقفل والمتأخر ومن أول زيارة، جنب الأسبوع اللي فات. وكل قرار بيتكتب باسم صاحبه وميعاده، ولو عدّى الميعاد السيستم بيفكّره كل يوم.
أسوأ ٥ مراكز وأكتر ٥ أعطال الأسبوع ده.
كل ده من بيانات شركتك، من غير أي اشتراك إضافي.
اجتماع العمليات · مثال٣ قرارات
١٨ عميل محدش كلّمهم في ٤ ساعات
أول تواصل في الوقت: ٧٨٪ (الأسبوع اللي فات ٧١٪).
٦٠٪ من التأخير: مستني قطع
قرار: طلب شراء لأكتر ٥ قطع · المسؤول: المخازن · لحد الخميس.
مركز محتاج فنيين اتنين
الحِمل ١٤٠٪ من الوسيط · قرار: نقل فني من مركز تاني.
نقاط الاستلام والتسليم
العميل يسلّم في أقرب نقطة، والجهاز يرجعله بكود
طريقة شغل كاملة داخل البلاغ: الجهاز له باركود وعهدة من أول ما العميل يسلّمه لحد ما يستلمه تاني — وكل مرحلة متسجلة بالصور والتوقيع والمكان.
1
استلام في النقطة
باركود للجهاز وصور إثبات لحالته لحظة الاستلام.
2
رحلة للورشة
السواق بيمسح كل جهاز، والعهدة بتتنقل رسمي باسمه.
3
الإصلاح
الورشة المركزية شغالة والبلاغ بيتحدث أول بأول.
4
فحص الجودة
مرحلة QC قبل ما الجهاز يخرج من الورشة.
5
رحلة الرجوع
الجهاز راجع لنفس النقطة بمسح وعهدة بنفس إجراءات الذهاب.
6
تسليم للعميل
بكود أو توقيع أو مندوب معتمد — والبلاغ بيتقفل.
سجل عهدة مقفول: مين ماسك الجهاز في أي لحظة، ولا يمكن مسحه.
تايم لاين واحد داخل البلاغ: الحالة والعهدة ومدة كل مرحلة.
«رحلاتي» للسواق: أجهزة اليوم مجمعة بمكان الاستلام والتسليم، بصندوق مسح.
بتتفعّل كقاعدة شركة لما طريقة شغلك تحتاجها، ونقاطك بتتستورد من إكسيل.
المساعد الذكي
مساعد بيرد على عملاءك، وموظف بيوافق
المساعد بيرد من معلومات شركتك وقواعد الضمان الخاصة بيها، وبيقدر يجهّز إجراء زي تغيير ميعاد أو فتح بلاغ. أي إجراء حساس بيستنى موافقة موظف قبل ما يتنفذ، وبيتفعّل بمفتاح ذكاء اصطناعي باسم شركتك.
صندوق محادثات وردود محفوظة.
قاعدة معرفة بتعدّلها الشركة بنفسها.
قواعد ضمان بتحدد المساعد يقول إيه.
شاشة إجراءات مستنية موافقة، وشاشة استهلاك وتكلفة.
محادثة عميلالمساعد بيرد
الغسالة لسه في الضمان؟ السيريال 7G42K1180
أيوه، الضمان شغّال لحد مارس ٢٠٢٧. تحب أفتحلك بلاغ صيانة؟
أيوه، والميعاد بكره بعد الضهر لو ينفع.
فيه ميعاد بكره من ٢ لـ ٤. هبعت الطلب لموظف الخدمة يأكّده.
فتح بلاغ · مستني موافقة موظفاتوافق · البلاغ اتفتح
التواصل داخل الشركة
الشغل بيتكلم داخل السيستم، مش على واتساب
محادثات بين الموظفين والمراكز والفنيين داخل SABK نفسه، فالكلام عن البلاغ بيفضل جنب البلاغ، ومحدش بيدوّر على رسالة في جروب.
محادثات فردية وجروبات للمراكز والأقسام.
رقم البلاغ في الرسالة بيبقى كارت بحالته، لللي يقدر يشوفه بس.
«اسأل SABK»: كل موظف يسأل المساعد عن شغله من نفس المكان.
«مستنيك»: كل اللي مستني ردّك في صفحة واحدة.
جروب مركز المهندسينمثال
مشرف الخدمةمحمود، تابع بلاغ 20431 النهارده لو سمحت.
#20431غسالة · مستنية قطعةمستني قطعة
القطعة وصلت المخزن، هركّبها الساعة ٢.
مشرف الخدمةتمام، بلّغ العميل.
👍 2✅ 1
البوابات
كل واحد شغّال معاك ليه بوابته
كل بوابة بتوري صاحبها اللي يخصه بس، وكلها بتكتب في نفس السيستم — والدخول بكلمة سر أو كود واتساب.
API بمفاتيح للبلاغات والأجهزة والضمان، وإشعارات تلقائية للأنظمة التانية.
أبلكيشن الفني
الفني شغّال من موبايله، والمكتب شايف كل حاجة
أبلكيشن متوصّل بالسيستم على طول، مبني بتقنية واحدة لأندرويد وiOS — نسخة أندرويد بتترفع على جوجل بلاي باسم شركتك، ونسخة iOS بتتجهز للنشر على آب ستور. مفيش ورق بيرجع آخر اليوم، ومفيش «هبعتلك صورة على الواتساب».
مسار النهاردة: زيارات اليوم مترتبة على الخريطة بضغطة.
قطع الغيار: الفني يطلبها وهو عند العميل، أو من رسمة الجهاز.
السيريال وشجرة الأعطال: بيمسح السيريال ويختار سبب العطل وهو بيقفل.
شغّال من غير نت: البلاغات اللي فتحها بتفضل قدامه، واللي بيسجّله بيتبعت لوحده أول ما النت يرجع.
تقرير بالصوت: الفني يتكلم والأبلكيشن يكتب، من غير ما يكتب بإيده.
تجهيز الزيارة: قبل ما يتحرك يعرف العطل المتوقع والقطع اللي غالبًا هتتطلب ورصيدها.
«شهرك»: الفني شايف أداءه هو: قفل كام، من أول زيارة، وترتيبه في المركز.
توقيع العميل وعدّاد الوقت: العميل يمضي على الموبايل، والأبلكيشن بيحسب وقت الشغل ووقت المشوار.
الإقفال بكود والدخول بالبصمة.
الأربعاء ١٤ أكتوبرصباح الخير يا أحمدعندك ٥ زيارات النهاردة
مسار النهاردة · ٥ زيارات · ٣٨ كم
الزيارة الجاية · 11:00تلاجة · مش بتبرّد · مدينة نصر
12:30 · غسالةصوت عالي في العصر
إقفال بلاغ #20431اكتب الكود اللي وصل للعميل
البلاغ اتقفل
مكتبة الفني
الفني معاه مهندس المصنع في جيبه
لكل منتج دروس بالمستوى فيها فيديو وصور، وأكواد الأعطال اللي بتظهر على شاشة الجهاز. الفني يكتب الكود فيعرف معناه ويعمل إيه، من البلاغ نفسه وهو عند العميل.
الكود اللي على الشاشة، معناه، وتعمل إيه
الجهاز كاتب E4؟ الفني يكتبه زي ما هو، والسيستم يرد بمعنى الكود حسب المصنع وخطوات الإصلاح، والدرس اللي بيشرحه بالفيديو. كود منتج البلاغ بيطلع الأول.
دروس بالمستوى: من الأساسيات لحد فك الموتور، والإدارة تحدد الفني يبدأ من فين.
فيديو وصور لكل درس: الفني يشوف القطعة قبل ما يفكها.
أكواد الجهاز: كل كود بمعناه وخطواته، وبيلاقيه لو كتبه e-4 أو E 4.
من البلاغ على طول: زرار «دروس وأكواد أعطال» على منتج البلاغ نفسه.
من غير نت: اللي فتحه مرة بيفضل معاه في البدروم.
أكواد الجهاز غير تصنيف العطل في البلاغ (حسب العميل والفني والإجراء)، وده بتبنيه كل شركة لنفسها في السيستم.
مكتبة المنتجغسالة فوق أوتوماتيك ١٢ك
دروس المنتج
٢تغيير طلمبة الصرف3D
١تنضيف فلتر الوبرصور
٣فك الموتور والجيربوكس3D
E4المية مابتتصرّفش
تعمل إيه
نضّف فلتر الطلمبة من تحت قدّام
اتأكد إن خرطوم الصرف مش مطوي
لو الكود رجع: غيّر طلمبة الصرف
درس: تغيير طلمبة الصرف · فيديو
3D
المستوى ٢التلاجة مش بتبرّد: مروحة الفريزر
فيديوهات التدريب
الفني يشوف الجهاز من الداخل قبل ما يفكه
فيديو قصير لكل خطوة، يتشاف وهو واقف قدام العميل. الإدارة ترفع فيديوهات المصنع أو تصوّر بنفسها، وتحطها في الدرس بالمستوى.
ألبوم قطع الغيار · BOM
القطعة بتتطلب من رسمة الجهاز، مش من الذاكرة
رسم مفكك لكل موديل، كل نقطة فيه مربوطة بكود القطعة في المخزن. الفني يضغط على القطعة في الرسمة، يشوف رصيدها، ويطلبها للبلاغ. مفيش «القطعة اللي جنب الموتور» تاني.
app.sabk.online/parts/albums/WM-12
WM-12 · غسالة فوق أوتوماتيك ١٢كصفحة الألبوم ١ من ٢ · بيانات مثال
−100%+
النقط١٦ · ١٦ مربوطة
1غطا زجاج علويSP-1201١٢
2لوحة التحكم الأماميةSP-1202٧
3بوردة التحكمSP-1203٢
4الغطا العلويSP-1204٩
5حلقة الاتزانSP-1205١٤
6حلة داخلية ١٢كSP-1206٦
7ريشة (بلساتور)SP-1207١٨
8حلة خارجيةSP-1208٤
9جيربوكس (كلتش)SP-1209٠
10سير الموتورSP-1210٣٣
11موتور ١٢كSP-1211٥
12طلمبة صرفSP-1212٣١
13خرطوم صرفSP-1213٢٦
14محبس مية بملفينSP-1214٣
15مساعد بسوستةSP-1215٤٠
16شاسيه ورجولSP-1216٨
12
طلمبة صرفSP-1212 · على ٣ موديلات
في المخزن الرئيسي: ٣١
طلب قطع الغيار
لسه مفيش قطع
لصق قايمة الـBOM من إكسيل (رقم النقطة ← كود القطعة)الأكتر طلبًا لكل موديلنفس الرسمة في أبلكيشن الفنيالرصيد قبل الطلب، والناقص يروح لطلب شراء
جاهز لمصر، ومتحكّم فيه
معمول على قوانين السوق المصري وطريقة شغله
جاهز للسوق المصري
فاتورة إلكترونية وإيصال إلكتروني على منظومة الضرائب.
تأمينات اجتماعية وضريبة كسب عمل في المرتبات.
ضريبة القيمة المضافة وحافظة شيكات.
عربي وإنجليزي، وواتساب للعملاء.
الإدارة ماسكة كل حاجة
صلاحيات لكل موظف ولكل تقرير.
مستويات موافقة على الصرف والشراء والاستبدال.
سجل بكل تعديل: مين عمل إيه وإمتى.
شركات المجموعة في تقرير مجمّع واحد.
سجل التعديلات · مثال
تبدأ بسرعة، وبياناتك محفوظة
«إعداد الشركة» بيمشّيك خطوة خطوة، وكل شاشة فيها دليل بيفتح أول مرة.
استيراد من إكسيل بمعاينة قبل الحفظ، ولو فيه غلط ترجّع الرفع كله.
قواعد شركتك بتتغيّر من الشاشة، من غير برمجة.
نسخة احتياطية كل يوم على سيرفر شركتك، ومدير النظام بينزّلها بنفسه.
تحقق بخطوتين وفصل صلاحيات، تفعّلهم الإدارة لما تحب.
شاشات حقيقية
ده شكل الشغل من داخل SABK
مش موك-أب — سكرينشوتات من السيستم نفسه، ببيانات مثال. اضغط على أي شاشة تتكبر.
الرئيسية: يومك على شاشة واحدةالبلاغ: القصة كلها في صفحة واحدةالفنيين على الخريطة، دلوقتيألبوم BOM: القطعة من الرسمةالمؤشرات: الأداء بالأرقامالمساعد الذكي: بيرد وبيستأذنالتواصل: الكلام جنب الشغلالخزينة: الفلوس بموافقات
أسئلة بتتسأل كتير
قبل ما تحجز الديمو
SABK مناسب لمين؟
للشركات اللي عايزة شغلها كله على سيستم واحد، في الأنشطة دي: خدمة ما بعد البيع ومراكز الصيانة، محلات الكمبيوتر والموبايل، السوبر والهايبر ماركت، شركات الجملة والتوزيع، المعارض والمحلات، والمطاعم والكافيهات. بتختار نشاطك والسيستم ييجي متظبّط عليه.
الشركة بتختار نشاطها، فالسيستم ييجي بقائمة النشاط ده وشاشته الرئيسية وأوامره السريعة. المحل مثلًا بيفتح على رئيسية التجارة: مبيعات النهارده والشهر، وآخر الإيصالات، والأكتر مبيعًا، واللي محتاج منك. والأساس واحد تحت كل الأنشطة: مخازن ومشتريات وحسابات وموظفين.
كل شركة ليها لينك وقاعدة بيانات لوحدها؟
أيوه. كل شركة ليها لينك باسمها على sabk.online، وقاعدة بياناتها وملفاتها لوحدها. والسيستم كود واحد، فأي تحديث بيوصل لكل الشركات. وموديولات الشركة وعدد مستخدميها ومدة اشتراكها بتتحدد لكل شركة.
لازم آخد الـ ١٦ موديول مرة واحدة؟
لأ. بتشغّل الموديولات اللي محتاجها، والباقي يفضل مقفول لحد ما تحتاجه. البيانات كلها على نفس السيستم، فمفيش نقل بيانات لما تفتح موديول جديد.
شركتنا مش بتصنّع، ينفع؟
أيوه. المحلات وشركات الجملة والمستوردين والموزعين ومراكز الخدمة بيشتغلوا من غير موديول الإنتاج، ويستخدموا المشتريات والمخازن والمبيعات ونقطة البيع والخدمة والمالية، كل واحد حسب نشاطه.
عندنا مراكز خدمة معتمدة برّه الشركة؟
كل مركز ليه بوابته ويشوف بلاغاته بس، والمشرف يشوف المراكز اللي تبعه، والإدارة تشوف الكل.
الفنيين محتاجين إيه؟
موبايل أندرويد عليه الأبلكيشن، وبيتنزّل من جوجل بلاي باسم شركتك ولوجو شركتك (ونسخة iOS بتتجهز للنشر على آب ستور). الفني بيشوف زياراته ومسارها ويطلب قطع الغيار ويقفل البلاغ بكود العميل، وبيشتغل حتى لو النت قطع.
بياناتنا على إكسيل، هننقلها إزاي؟
بترفع ملفات إكسيل للعملاء والأجهزة المباعة والموديلات وقطع الغيار والموردين والتجار والمراكز والفنيين وأرصدة المخزن الافتتاحية. السيستم بيوريك اللي هيتضاف واللي فيه مشكلة قبل الحفظ، ولو حصل غلط تقدر ترجّع الرفع كله.
بياناتنا في أمان؟
كل شركة ليها نسختها وقاعدة بياناتها لوحدها. نسخة احتياطية من قاعدة البيانات كل يوم ومن المرفقات كل أسبوع على سيرفر شركتك، ومدير النظام عندكم بينزّل أي نسخة بنفسه، من غير أي اطلاع على الكود.
السيستم بالعربي؟
أيوه، بالعربي والإنجليزي، والموظف يختار اللغة اللي تريّحه.
نقدر نربطه بأنظمة تانية؟
أيوه، فيه API بمفاتيح وإشعارات تلقائية، وبوابات للموردين والتجار.
ديمو ٣٠ دقيقة
احجز ديمو على نشاطك
قولّنا نشاطك، وفي ٣٠ دقيقة هنمشي معاك على شغلك انت: من الكاشير والأسعار لو محل أو جملة، ومن البلاغ لحد إقفاله لو صيانة وخدمة، لحد المخازن والحسابات والتقارير. ونشوف سوا SABK ينفع شركتك ولا لأ. ولو حابب تجرّب بنفسك، بنفتحلك نسخة تجريبية فيها بيانات مثال.